-لازم نهتم بالعناية الشخصية وفى الغلاء اللى احنا فية دا ممكن نسهلها على نفسنا واللى نقدر نعملة في البيت يكون احسن انا جربت طريقة باديكير في المنزل وكانت سهلة والنتيجة عظيما


الطريقة

اول حاجة هنجيب طبق فية ماء دافئ تستحملة القدم يعنى ونحط فية شاور جيل مش كتير واى نوع شاور
ونضيف للماء شوية خل بتاع نص كوب مش كتير برضو وسيبى رجليك بتاع نص ساعة كدة ولو مبشتش سيبها اكتر لزوم النظافة
بعدين المعلومة دى للى بتحط مانكير تجيبى معجون اسنان وتحطية في فرشاة وتدعكى بية اظافرك براحة دا بقى بيشيل الصفار اللى بيسببة المانكير بيخلى الاظافر مبيضة
بعدين هاتى طبق صغير حطى فية ملح وشوية زيت زتون وقلبيهم وبعدين حطيهم على رجليك من تحت وافضلى ادعكى رجليك بس براحة
مرحلة تقشير الجلد في مقشرة جلد عملة زى السنفرة كدة وهى دية المطلوبة كويسة كدا ورخيصة كمان هتمشى بيها على رجلك لحد ما تشيلى كل الجلد الميت
هنا بقى وصلنا لمرحلة الكريم او الفازلين ادهنى قدمك من تحت ومن فوق باى نوع كريم عندك متحتيش كتير
كلنا عارفين دم الغزال من عند اى عطار ضعى معلقة صغيرة على نص كوب كريم اى نوع قلبيهم كويس علشان لونة يبقى خفيف شوية ويكون مخلى الكعب كانة طبيعى وشيلى الباقى في اى علبة فاضية عندك استخدمية بعدين

كدة وفى اقل من ساعة انتى عملتى بادكير سهل وسريع فى نصيحة مهمة بلاش تستخدمى الموس بيضعف الجلد جدا على مدار السنين
==========
فى :