كام مرة سمعتي واحدة بتقول لجوزها الكلمة دي أنت عمرك ماسمعتني أنت على طول مش فاضيلي .... علشان نكون منصفين والحقيقة حتصدم ناس كتير جدا وهي أن الستات هما السبب الأساسي في المشكلة دي ... أيوة انتي السبب قوليلي ازاي اقولك انا بقى ازاي ...
أولا انتي لما بتيجي تحكي لجوزك أي موضوع بتبدأئي تحكي من الأول وبكل التفاصيل وكأنك بتحكي لواحدة صاحبتك أي بمعنى اصح بتحكي لست زيها زيك ... ودا في ظلم كبير لجوزك لأن هو طبيعته اللي ربنا خلقه بيها خلت قدرات اللغوية والسمعية مش كبيرة مش زي الستات اللي ممكن تفضل طول النهار تتكلم ودا من رحمة ربنا بينا علشان تقدر الأم أنها تتكلم وترد وتعلم الأولاد طول النهار .. فمينفعش انك تبدأئي تلوميه على حاجة مش بأيده اساسا ...
تعالى بقى نتعرف على طبيعة الراجل وازاي احكيله حاجة أنا عايزاه يعرفها ....
أولا.. قدرات الرجل اللغوية قليلة فدايما حتلاقيه بيميل للفعل أكثر من الكلام ...
ثانيا ... قدرته أنه يسمع موضوع ويفضل مركز فيه بتبقى مش اكتر من 10 دقائق ... أكثر من كدة بيفصل لا إرادي وتركيزة بيتشتت (لكل قاعدة شواذ دا الطبيعي السائد وبيختلف من شخص لآخر )
ثالثا... الرجل بطبيعة ماعندهوش القدرة علي فهم التلميحات ولا تجميع التفاصيل .
رابعا... لازم تراعي جدا نبره صوتك لان الصوت العالي بيسبب ألم ودماغه مش بتقدر تتعامل معاه .
خامسا.... بلاش أسلوب الأمر لو انتي حتطلبي منه حاجة ..لأن ده حيخلي يرفض من غير حتى ما يفكر .
احنا كدة عرفنا قدرات الرجل ... نتعامل معاه ازاي بقى ?
دي حاجة بسيطة جدا ....
أولا ..الوقت المناسب ..اختاري الوقت المناسب الشريك حياتك علشان يقدر يسمعك.
ثانيا... المكان المناسب .
ثالثا... بلاش التفاصيل الكتير يعني حاولي تقولي المهم وادخلي في الموضوع على طول .
رابعا ... بعد مايسمعك اشكريه لأنه سمعك ... وبعد كدة حيفضل يسمعك على طول .

#حقوق_شريك_حياتك👰

هذه المقاله خاصه بـ  
مرشد علاقات زوجية واسرية Ekram Essam



==========
فى :