يعني آية ?
الاحساس في المرحلة دي قمة الراحة والسلام النفسي انك تبقى مرتاح ومكتفي بنفسك 😊 وتقدر تشبع نفسك نفسيا بشكل يوصلك للراحة والسلام وانت مع نفسك
طيب هو ينفع أي حد يعمل كدة ?
أيوة طبعا ينفع بس الموضوع محتاج شوية تدريب ..
1- اتخلص من مشاعرك السلبية تجاه ذاتك ..
🔹احنا عاملين زي الكوباية ما ينفعش نملي الكوباية وهي مليانة اصلا ... لازم نفضيها علشان ينفع تتملي ...
علشان كدة حنعمل حاجة بسيطة ... هات ورقة وقلم واقسم الورقة نصين 📝 نص اكتب فيه مميزاتك والنص الثاني اكتب فيه عيوبك .. بصلهم كويس واقبلهم زي ما هما ... وخليك عارف ان ده الطبيعي ومافيش شخص ملاك وماعندوش عيوب ...

🔹اكتب المواقف اللي حصلتلك ولومت نفسك فيها وأبدأ ناقشها مع نفسك وطلع الحاجات الحلوة اللي في المواقف دي ... سامح نفسك على المواقف اللي انت شايفها غلط ودا حيخلي عندك القدرة علي تقوية نقطك الإيجابية وتزويدها ... كفاية تجلد نفسك على حاجات خلصت من زمان .
2- حب نفسك كأنك واحد تاني ...
🔹يعني طلع المميزات اللي في شخصيتك والمواقف الحلوة اللي عملتها وشوف أنت اد آية كويس وبتعمل حاجات حلوة للناس التانية .
3- ادعم نفسك ...
دعم نفسك وأبدأ معاها صفحة جديدة ..
🔹هاتلك هدية من غير مناسبة أو ورد لو بتحبه
🔹اعمل حاجة بتحبها (أرقص - ارسم )
🔹العب لعبة مالعبتهاش من زمان
🔹كل أكله حلوة اعزم نفسك عليها
🔹سامح نفسك ... اعرف انك إنسان وطبيعي جدا انك تغلط أنت مش ملاك
🔹أخرج لوحدك اتفرج على فيلم سينما عجبك
🔹بص في المراية وقول لنفسك كلام إيجابي حيفرق معاك جدا وفي ثقتك في نفسك
🔹خطط لاهدافك ولحياتك
🔹خد خطوة تحية هدفك
🔹اعمل حاجة خير وخليها سر بينك وبين ربنا

4- أدى لنفسك كل المشاعر اللي انت محتاجها علشان تجيلك أضعاف ...
🔹لو محتاج حب دور على كل الحب اللي جواك وطلعه ليك ... ماحدش حيحبك ادك وعلى اد الحب ده حيجيلك حب .
🔹لو محتاج إهتمام ... أهتم بنفسك واكتب الحاجات اللي جواك واهتم اوي بوقتك الخاص اللي تريح في نفسك علشان يجيلك اهتمام اده لو انت أهم واحد عندك مش حتبقى محتاج لحد ..
📍ولنفسك عليك حق ... ودا أهم حق ما ينفعش تنساه .
#حافظ_على_حقوقك

هذه المقاله خاصه بـ  
مرشد علاقات زوجية واسرية Ekram Essam

==========
فى :